Milan pret sot në “San Siro” skuadrën e Paris Saint-Germain takim i vlefshëm për raundin e katërt të fazës së grupeve në Champions League.
Kuqezinjtë ndodhen në një pozitë mjaft të vështirë pasi renditen të fundit në Grupin F me vetëm 2 pikë të grumbulluara dhe sot synojnë vetëm fitoren për të mbajtur gjallë shpresat për kualifikimin në raundin tjetër.
Megjithatë, një fitore do të jetë shumë e ndërlikuar për kuqezinjtë ndaj PSG-së dhe kjo shpjegon edhe koeficientin 3.1 që kompanitë e basteve i japin suksesit të Milanit.
3.6 vlerësohet barazimi, teksa fitorja e PSG-së shpërblehet me dyfishin e shumë së luajtur.
Dueli premton gola, ndaj edhe shpërblimi është koeficienti 1.7 për më shumë se tri gola, ndërkohë më pak se tre shpërblehen gjithashtu me dyfishin e shumë së luajtur.
