Kryebashkiaku i Kamzës, Rakip Suli, ka folur për mediat pas daljes nga ambjentet e SPAK, ku qëndroi rreth 1 orë e 30 minuta.
Suli është treguar i rezervuar lidhur me dëshminë e tij, teksa është shprehur: Të lëmë drejtësinë që të bëjë punën e vet…
“Ditë e bukur sot. Të lëmë drejtësinë që të bëjë punën e vetë sepse po jep shpresë të shqiptarët. Fati që erdhi sot kjo ditë, që çdo person të japë llogari. Më lini të bëj detyrën time, në respekt të qytetarëve. Sa herë të duan do të vij”, tha ai.
Prokuroria po kryen hetimet ndaj Suli dhe zyrtarëve të tjerë për disa vepra penale, siç janë “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike.
