Deputeti Ervin Salianji ishte i ftuar në emisionin “ Të Paekspozuarit” ku foli për aksionin opozzitar dhe për tensionet që janë krijuar në Kuvend seancat e fundit.
Sipas Salianit aksioni ka ardhur vetëm pas përpjekjes së Ramës për të vrarë opozitën dhe për refuzimin e tetë kërkesave për ngritjen e komisioneve hetimore.
Salianji komentoi edhe veprimin e sotëm në Kryesinë e Kuvendit, ku pasi nuk u lejuan të futen në ambientet e brendshme, u detyrua të futet nga dritarja.
“ Nuk ishte gjë e këndshme . Dhe mua nuk më pëlqeu, por ishim të detyruar”, tha Salianji.
Shpjegoi me hollësi edhe komisionet që janë refuzuar.
“Kemi kërkuar ngritjen e tetë komisioneve hetimore. Publiku e ka ndjekur që në seancë, PS tha se do pranohen . Por komisioni i reformës Zgjedhore ka dy vjet që nuk bën asnjë gjë në Kuvend dhe mbahet kot. Prioriteti i opoitës, është Reforma Zgjedhore është i bllokuar.
Kryetarja e Parlamentit i kaloi në shkelje të ligjit krijimin e komisioneve.
Ne protestojmë pë rnjë të drejtë. Komisioni Hetimor për çarterat e Ramës, ka një akuzë në publik që rrodhi nga ndërhyrjet e iranianëve.
Komissioni hetimor për Portin e Durrësit, një prej pasurive më të rëndësishme I është dhënë një kompanie që nuk dihet kush është.
Komision për rrjedhjen e të dhënave nga patronazhistët dhe që kulmoi në ndërhyrjen e sistemit TIMS. Kemi të dhëna që këto ndërhyrjen bëhen për të favorizuar persona që janë nën hetim. Kemi kërkuar komision hetimor për katër koncesione në shëndetësi.
PS nuk pranon asnjë. Gjykata Kushtetuese thotë se është e drejtë parlamentare që këto kërkesa të plotësohen. Por PS i refuzon”, tha Salianji.
