Egnatia, pasditen e kësaj të shtune ka arritur një tjetër fitore, kësaj radhe ndaj Erzenit me rezultatin 0-1.
Në “Arenën e Demave” goli që vendosi sfidën erdhi në minutën e 55’-të.
Pas një topi të kapur bukur në zonë nga Arbnor Zejnullai, ky i fundit rrotullohet bukur dhe me një goditje fantastike mposht portierin Hasanbelli, duke i dhuruar avantazhin skuadrës së tij.
Sfida nuk do të përfundonte me kaq, pasi në minutën e 90’ Fangaj do të linte me kartonin e kuq, fushën e lojës, por pavarësisht se mbetën 10 minuta lojë, sërish shijakasit nuk arritën dot të “çanin murin” e rrogozhinasve.
Pas kësaj fitoreje, Egnatia ngjitet në kuotën e 26 pikëve dhe krijon një shkëputje prej 3 pikësh me Partizanin e vendit të 2-të, por që ka luajtur 2 ndeshje më pak se rrogozhinasit, ndërsa skuadra e Erzenit mbetet në vendin e 8 të renditjes, me 13 pikë.
Klasifikimi:
