Stuhia ‘Ciaran’ ka prekur mesditën e sotme edhe vendin tonë. Një stuhi e fortë me shi dhe erë ka përfshirë autostradën Tiranë-Durrës.
Në këtë aks raportohet se disa pika të saj dhe rruga dytësore janë përmbytur. Disa makina janë ndaluar tërësisht pasi reshjet e shumta pengojnë fushëpamjen dhe shoferët nuk duan të rrezikojnë.
Stuhia e cila ka mbërthyer Tiranën, ka krijuar kaos tek drejtuesit e mjeteve. Siç shihet edhe në foton e cila sigurohet nga ‘Maps’, rrugët e Tiranës janë me ngjyrë të kuqe, gjë që tregon se trafiku është i rënduar.
