Policia e Tiranës ka reaguar në lidhje me pamjet e rënda që qarkulluan në rrjetet sociale, ku një grua dhunonte brutalisht një qen brenda ashensorit të një pallati, duke e goditur dhjetra herë me shkelma.
Blutë e kryeqytetit bëjnë me dije se ka nisur procedimi penal ndaj gruas që shfaqej në video, shtetases Gera Kulla, 51 vjeçe, banuese në Tiranë, për veprën penale “Keqtrajtimi i kafshës”. Gera Kulla, është për më tepër një aktiviste për mbrojtjen e kafshëve, por që me sa duket i merr dhe i dhunon ato.
Kafshët e keqtrajtuara janë vendosur në kujdesin e një shoqate për mbrojtjen e kafshëve, ndërsa materialet procedurale për këtë rast i kanë kaluar Prokurorisë së Tiranës.
Ky nuk është rasti i parë i bërë publik, për qytetarë që dhunojnë jo vetëm kafshët e tyre, por dhe kafshë në rrugët e qytetit.
Pamjet që shihni në videon e mëposhtme janë të rënda:
