Garda e Republikës ka reaguar pas deklaratave dhe akuzave të kreut të Partisë Demokratike Sali Berisha i cili ditën e sotme pohoi se gardistët ishin me armë në Kuvend me qëllim për të frikësuar deputetët e opozitës.
Në deklaratën për mediat, thuhet se ky pretendim është i pavërtetë ndërsa shtoi se Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
Deklarata e Gardës së Republikës:
“Lidhur me pretendimin e disa deputetëve të opozitës, se punonjës të Gardës në seancën parlamentare kanë qenë me armë në sallë, Garda e Republikës sqaron se:
Ky pretendim është tërësisht i pa vërtetë. Asnjë prej punonjësve të Gardës së Republikës, siç parashikon baza ligjore në fuqi, nuk ka qenë i pajisur me armë zjarri brenda sallës ku zhvillohen punimet.
Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit”, thuhet në njoftim.
Përfundon takimi/ Berisha: Garda e armatosur, SPAK merr urdhra nga Rama
