Arsenali i Arteta-s u eliminua sonte nga Carabao Cup.
West Ham triumfoi me rezultatin 3-1 ndaj “Topçinjve” dhe siguron kualifikimin në fazën çerekfinale të Carabao Cup, ndërsa “The Gunners” e mbyllin në raundin e 1/8-ave këtë rrugëtim.
Skuadra e Moyes mori avantazhin në minutën e 16’, me një autogol të White, duke e mbyllur fraksionin hapës në avantazh. Në pjesën e dytë “Hammers” u treguan edhe më kërkues dhe ia dolën të shënonin golin e sigurisë në minutën e 50’ me Kudus, teksa vetëm dhjetë minuta më pas Bowen shënoi golin e tretë për West Ham.
Nga ana tjetër, te Arsenal rrugën drejt rrjetës e gjeti vetëm Odegaard, një gol që vlen vetëm për statistikat personale të lojtarit.
GOLAT E WEST HAM-ARSENAL – VIDEO
Gjërat nuk kanë shkuar mirë as për Manchester United, teksa edhe këta të fundit i kanë dhënë lamtumirën këtij kompeticioni. Newcastle United ka eliminuar “Djajtë e Kuq” duke i mposhtur në Old Trafford me rezultat 3-0.
Goli i parë për Magpies u shënua në minutën e 28-të me anë të Miguel Almiron, që u asistua prej Valentino Livramentos.
Për 2-0 u përkujdes ish-talenti i Chelseat, Lewis Hall (36’), për të shkua në pushimin mes pjesëve me qetësi maksimale. Edhe 45 minutat e dytë filluan mirë për mysafirët, që ia dolën ta shënonin edhe golin e tretë.
Ishte minuta e 60-të e takimit kur Joelinton asistoi te Joe Willock, për t’i dhënë goditjen e fundit Djajve të Kuq. Kjo disfatë mund të jetë vendimtare për të ardhmen e Erik ten Hag, që është duke kaluar nëpër një presion të madh.
