Mbledhja e sekretariatit të etikës është shoqëruar me debate të shumta pasditen e së martës teksa deputetët e opozitës kanë kërkuar që mbledhja të jetë e hapur për mediat.
Deputeti Flamur Noka në një moment përpara se të bojkotonte mbledhje ka shkulur mikrofonat e kryetares Klotilda Bushka. Kjo e fundit ndërpreu përkohësisht mbledhjen.
Në përfundim, sekretariati i etikës me votat e socialistëve ka vendosur të përjashtojë 6 nga 7 deputetët e PD të kërkuar nga mazhoranca, përveç deputetit Lefter Gështenja.
Konkretisht u përjashtuan me 10 ditë nga seancat deputetët Flamur Noka, Edi Paloka, Gazment Bardhi, Albana Vokshi dhe Bledion Nallbati dhe me 3 ditë deputeti Saimir Korreshi.
Ishin 13 deputetë të PS që kërkuan përjashtimin e deputetëve demokratë, pas tensioneve të djehshme në Kuvend.
