Kuvendi ditën e djeshme ishte një “arenë” përplasjesh mes mazhorancës dhe opozitës e cila ka marrë vendim që mos lejojë zhvillimin normal të seancave plenare për shkak se socialistët kanë “injoruar” kërkesat e tyre për të ngritur disa “komisione hetimore”.
Nuk kishte vetëm përplasje verbale por dita e djeshme prodhoi edhe një konflikt fizik mes deputetit të PD-së, Bledion Nallbati dhe homologut të tij socialist, Vullnet Sina.
Nallbati, i cili u “përlesh” dje fizikisht me deputetin socialist Vullnet Sina, ka komentuar sot incidentin e dhunshëm në Kuvend. Ai tha për mediat se Shqipëria ka halle edhe më të mëdha se sa incidenti i djeshëm por shprehu pendesë për reagimin e tij gjaknxehtë.
“Unë mendoj se Shqipëria ka halle më të mëdha që meritojnë vëmendjen e medias. Media nuk duhet të merret me një incident që nuk nderon askënd.”, tha Nallbati.
