Gazetari i njohur i Zërit të Amerikës, Elez Biberaj, pas 43 vitesh karrierë, do të dalë këtë vit në pension.
Këtë gjë e ka bërë me dije vetë Biberaj përmes një postimi në rrjetet sociale, ku thekson se më 31 dhjetor të këtij viti del në pension. Ai shprehu mirënjohje për bashkëpunimin me Zërin e Amerikës.
“Miq,
Sot kam njoftuar koleget e mi të Zërit të Amerikës se pas një karriere 43 vjeçare, do të dalë në pension më 31 dhjetor 2023.
Ka qënë privilegji dhe krenaria më e madhe e jetës time që kam patur fatin të punoj për një organizatë kaq të jashtëzakonshme mediatike.
Do t’i jem përherë mirënjohës Zërit të Amerikës për mundësitë që më ka krijuar.”, shkruan Biberaj.
