Fenomenal”, termi ideal për të përshkruar aventurën e Harry Kane me fanellën e Bayernit në sezonin 2023-2024.
Statistikat e futbollistit me numër “9” në ekipin e kampionëve të Bundesliges nuk lë vend për dyshime, përkundrazi.
Kane erdhi me mision te qartë në kampin e rekordmenëve gjermanë, zëvendësimin e golave të Robert Lewandowskitt, i cili ka marrë profilin e një “miti” për sa u përket realizimeve, aty ku sezoni 2020-2021 shënoi edhe rekord në lidhje me numrin më të lartë të realizimeve vetëm në kampionat, konkretisht 41 gola në harkun e 29 prezencave, çmenduri.
Mesatarisht Lewa e ka dërguar topin në rrjetë përgjatë etapës së mësipërme 1.4 gola për ndeshje.
KANE MBI LEWAN
”Pyka” e Bayernit në ciklin aktual e ka përshëndetur portën mike në distancën e 9 javëve Bundesligë 12 herë dhe nëse ai vazhdon me të njëjtin ritëm, pas 34 raundesh do të kapë kuotën e 45 golave, teksa “pronësia” e Levës si “mbret” i finalizimeve në një sezon të vetëm do të kalonte në plan të dytë, duke ia hapur krahun goleadorit anglez.
Është fakt se Tuheli nuk e ka lënë në stol në asnjë takim të kampionatit Herrin, por që me shumë gjasa trendi do të prishet kur të nisë periudha “e nxehtë” në fronte të ndryshme.
E dhëna e frikshme prej 34 golash në vigjilje të 9 javëve nga kampionët e Gjermanisë, të jep bindjen se ata i kanë “kartat” e duhura për të furnizuar mjaftueshëm Kejnin me topa drejt portës. Borusia Dortmund do të shërbejë si test i rëndësishme në vijueshmërinë e kalkulimeve, pra do të jetë i njëjti “vrastar” në kuadrat edhe ndaj rivalëve “seriozë”.
LOJTARI MË PËRFSHIRËS NË GOLA
Plotë 17 herë është vendosur emri i Harry Kane në tabelë si shënues dhe asistues të Bundesligës (12 gola, 5 asiste), përkthyer si futbollisti me kontributin më të lartë në “top 5” ligat kryesore të Europës. Mesatarisht rezulton se sulmuesi i bavarezëve shërben apo shënon 1.88 raste për ndeshje. Serhu Guirasi, i cili vetëm para disa javësh bëri bujë me rekord në ligën gjermane, është zhvendosur në vijë dytësore rreth kontributit në total.
Erling Haland rreshtohet në shkallën më të ulët të 3-shes së parë, për t’i lënë vend një tjetër futbollisti të kalibrit botëror si Kilië Mbape, me 1.22 përfshirje goli. Lautaro Martinez është i vetmi që përfaqëson Serinë A (11 gola, 1 asist), sikurse Xhud Bellingam La Ligën (10 gola, 2 asist). Mohamed Salah nuk mbetet pas, për t’i vënë kapak 10-shes me diktatin e Bundesligës, konkretisht Leroi Sane (Bajern Mynih), Viktor Bonifejs (Bajer Leverkusen) dhe Lois Openda (Lajpcig). Komponenti i fundit vë në duke se liga e Gjermanisë mbizotëron në kategorinë e mësipërme me gjysmën e emrave të protagonistëve
