Kamionistja, Bianka Dervishi ishte këtë të martë e ftuar në “Good Morning Albanians” ku tha se për momentin kërkohen shumë shofera kamioni, pasi ka shumë mungesa.
Ajo tha se interesi për këtë zanat ka rënë pasi është shumë i vështirë dhe ka shumë sfida. Megjithatë ajo tha se ky është një profesion i cili paguhet mjaftueshëm mirë në varësi të rrugëve që bën.
“Në Itali kërkohen shumë kamionistë, sepse ka shumë mungesa. Një pagë përcaktohet nga rrugët që bën. Brenda Italisë është rreth 2000-2200 € në muaj, nëse punon brenda Italisë”,-tha ajo.
