Policia kufitare e Rinasit ka goditur një rast të tentativës për të kaluar kufirin me pasaportë të falsifikuar dhe si rezultat janë arrestuar dy shtetas kinezë. Në pranga janë vënë shtetasit J. Sh., 27 vjeç dhe Ch. Ch., 52 vjeç.
Autoritetet policore bëjnë me dije se në dalje të Republikës së Shqipërisë, secili nga këta shtetas ka paraqitur pasaportë të Koresë së Jugut, të cilat pas verifikimeve rezultuan të falsifikuara. Gjatë kontrollit fizik, këtyre shtetasve iu janë gjetur pasaportat e tyre kineze, me të njëjtat gjeneralitete si pasaportat e falsifikuara.
Policia ka sekuestruar 4 pasaportat në cilësinë e provës materiale. Materialet procedurale i kaluan Prokurorisë së Tiranës për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”, kryer në bashkëpunim.
