Lacio ka mundur me shifrat 1-0 Fiorentinën në ndeshjen e fundit të javës së 10 të Serisë A.
Skuadra e Mauricio Sarrit është dashur të presë fundin e sfidës në “Olimpico” për të festuar, pasi ka gjetur golin e vetëm të duelit në shtesë. Aty ishte një prekje e topit me dorë nga futbollistët e Fiorentinës në zonë që solli vendimin e gjyqtarit për gjuajtjen e penalltisë, të cilën Çiro Imobile nuk e gaboi duke i dhënë tre pikët skuadrës së tij.
Kështu, Lacio u ngjit në vendin e 7 në renditje me 16 pikë, vetëm 3 pas Atalantës që mban aktualisht vendin e katërt në klasifikim.
