Zona Shengen “nuk funksionon më” dhe “pothuajse nuk ekziston”. Kështu shprehet presidenti rumun, Klaus Iohanis, i cili kritikoi qëndrimin e Austrisë, për bllokimin e pranimit të Bullgarisë dhe Rumanisë në zonën Shengen.
“Austria çdo herë thotë qartë se nuk ka asgjë kundër Rumanisë apo Bullgarisë, por sërish kundërshton zgjerimin e zonës Shengen, Në kushtet në të cilat saktësisht në të njëjtën mbledhje Austria miratoi pranimin e Kroacisë. Pra, argumentet janë pak transparente.”
Edhe Sllovenia njoftoi të enjten se do të zgjasë më tej kontrollin në kufijtë me Kroacinë dhe Hungarinë, duke përmendur tensionet në Lindjen e Mesme, të cilat rrisin rreziqet e lidhura me terrorizmin dhe krimin e organizuar.
