Një pasim perfekt që të kujton Andrea Pirlon dha Kristjan Asllani në minutën e 81-të të ndeshjes Inter-Roma, duke nisur aksionin që solli edhe golin e vetëm të zikaltërve, atë me vlerë 3-pikëshe të francezit Marcus Thuram.
Minutat për mesfushorin zikaltër vijojnë të mbeten të pakta, por aktivizimi shumë më i rregullt, teksa ndaj Romës tregoi se meriton më shumë vëmendje nga Inzaghi.
Nota 6.5 për mesfushorin shqiptar pas ndeshjes, teksa më mirë se ai u vlerësuan vetëm Thuram, Acerbi e Dumfries me notën 78.
“Hyn me personalitet, duke kërkuar menjëherë golin me një goditje nga distanca, por topi nuk i bindet dhe shkon ngjitur me shtyllën. Vrapon shumë dh shton cilësinë në mesfushë, duke shfrytëzuar edhe freskinë. Ai pasim i gjatë për Dimarcon është i shkëlqyer dhe sjell golin e fitores”, thuhet në vlerësimin për mesfushorin shqiptar.
