Këngëtarja shqiptare, Rita Ora dhe tenisti serb, Novak Djokovic janë parë pranë njëri-tjetrit në shkallët e stadiumit duke shijuar finalen e Kupës së Botës në Rugby.
Artistja me prejardhje nga Kosova ishte e shoqëruar dhe me burrin e saj, Taika Waititi. Por ajo ç’ka bën përshtypje është se ajo po bisedon dhe po qesh me Djokovic.
Ky i fundit sa herë që i është dhënë mundësia ka dalë haptazi me veprime apo fjalë anti-shqiptare kundër Kosovës.
Ky moment nuk ka kaluar pa u vënë re nga shumë shqiptarë të cilët menjëherë e kanë “kryqëzuar” Rita Orën, duke i kujtuar edhe momentin kur para pak kohësh këngëtarja mbështillej me flamurin serb gjatë një koncerti.
