Orges Shehi ka reaguar për deklaratën e Refik Halilit, i cili shprehej për shtypin e shkruar, se Tirana kishte likuiduar çdo detyrim për trajnerin durrsak deri në fund të muajit dhjetor.
Sipas Halilit ai do të vijojë të jetë i pezulluar, ndërsa skuadra do të vazhdojë punën për të arritur rezultatet pozitive në kampionat.
Mirëpo së fundmi, Orges Shehi i është përgjigjur me një postim në rrjetet sociale.
Trajneri i njohur shfaqet duke qeshur në një foto, ndërsa në diçiturë shkruan: “Ça thu mer burrë se na habite?”.
Duket si një “shigjetë” e tij për drejtuesit bardheblu që vijojnë ta mbajnë pezull, duke mos i dhënë largimin.
Tirana me në krye presidentin Refik Halili ka theksuar se ai do të vijojë të jetë pjesë e skuadrës (si i pezulluar) deri në fund të këtij sezoni futbollistik.
