I dyshuari kryesor për vrasjen e një gjyqtari në Maryland, i kërkuar prej një jave, është gjetur i vdekur, njoftoi të enjten Policia e Shtetit Amerikan.
49-vjeçari Pedro Argote u gjet në një zonë pyjore në periferi të Williamsport, pa specifikuar shkakun e vdekjes.
Të enjten e kaluar mbrëma, gjykatësi Andrew Wilkinson u qëllua me breshëri jashtë shtëpisë së tij në Hagerstown. Gjyqtari 52-vjeçar u dërgua në spital ku edhe ndërroi jetë.
Hetimet e policisë janë fokusuar tek Pedro Argote që në momentin e parë. Ai nuk kishte dalë para gjykatësit Wilkinson në çështjen e divorcit dhe kujdestarinë e katër fëmijëve të tij të mitur. Gjykatësi miratoi divorcin dhe i dha nënës kujdestarinë e fëmijëve. Disa orë më vonë, gjyqtarit iu bë një atentat.
“Ky ishte një sulm i synuar ndaj gjyqtarit Wilkinson,” tha sherifi i qarkut Brian Albert në një konferencë shtypi në atë kohë. Makina e Argotes u gjet pak më larg nga vendi i krimit.
