Rabie Cenalia dhe Jalldiz Kastrati janë dy avokatet e caktuara kryesisht nga shteti për të mbrojtur kryedemokratin Sali Berisha në procesin gjyqësor të nisur ndaj tij.
Sot, në seancën e radhës gjyqësore në GJKKO, e cila është shtyrë për në orën 15:00, ish-kryeministri Sali Berisha do të përfaqësohet nga dy zonja.
Një prej avokateve të caktuara, Jalldiz Kastrati, rezulton të ketë qenë dikur kandidate për deputete e LSI, sot Partia e Lirisë, me kryetar Ilir Metën.
Ndërkohë, Gjykata e Posaçme caktoi fillimisht avokatin Artan Simoni, si mbrojtës ligjor të Berishës, ndërkohë që pak orë më vonë ai u hoq për shkak të qëndrimeve kundër ish-kryeministrit Berisha në rrjete sociale.
