Këtë të shtunë do të jetë përballja më e madhe e futbollit spanjoll dhe rivaliteti më i fortë në Evropë, sifda mes Barcelonës dhe Real Madrid. Për herë të parë kjo sfidë do të zhvillohet në stadiumin olimpik të Barcelonës, për shkak se Camp Nou po rinovohet.
Kjo do të jetë klasikja e parë për yllin e ri të Real Madrid, Jude Bellingham. Anglezi u transferua këtë verë nga Borussia Dortmund dhe deri tani ka shkëlqyer për Los Blancos.
Duke folur për këtë sfidë, 20-vjeçari ka sjellë në kujtesë përballjen e vitit 2012 në Camp Nou, kur Reali fitoi 1-2 dhe Ronaldo shënoi duke festuar me të famshmen “Calma Calma”.
“Gjithmonë e kujtoj atë festim”, thotë Bellingham. “E kujtoj Ronaldon në Camp Nou duke festuar calma. Gjëra të tilla të mbeten në kokë, momente ikonike”, u shpreh Bellingham.
Barcelona-Real do të luhet të shtunën në orën 16:15 dhe do të vendos të paktën për momentin kreun e renditjes në La Liga.
