Vllaznia do të udhëtojë në “Kukës Arena” për të sfiduar Kukësin në sfidën e javës së 10-të të Superiores.
Takim që do të zhvillohet ditën e premte në orën 14:00.
Një duel ku shkodranët do të kenë dy “armë” plus. Me skuadrën janë rikthyer dy lojtarë që do të jenë të gatshëm ndaj verilindorëve.
Smajli dhe Krymi do të mund të japin kontributin e tyre në këtë përballje dhe kjo padiskutim është një lajm i mirë për stadin e kuqebluve.
Por sërish mungesa do të ketë. Lorik Boshnjaku do të jetë i pezulluar për shkak kartonësh dhe Memelli nuk do të mund të llogarisë shërbimet e tij.
Ndërkohë Hakaj vazhdon të mbajë në “ankth” stafin e skuadrës, i cili vazhdon të jetë larg fushave, teksa rikuperimi i tij po zgjat shumë.
