Një aksident me një grua të plagosur është shënuar mëngjesin e kësaj të mërkure në Shkodër.
“Rreth orës 07:45, në lagjen ‘Tre Heronjtë’, automjeti me drejtues shtetasen M.N., 34 vjeçe, ka aksidentuar shtetasen Z.M., 56 vjeçe, që lëvizte me biçikletë, e cila u dërgua në spital, në gjendje jashtë rrezikut për jetën”, njoftoi policia.
Me drejtuesen e automjetit po kryhen veprimet procedurale, ndërsa grupi hetimor ndodhet në vendngjarje dhe vijon punën për sqarimin e rrethanave të aksidentit, shtuan të njëjtat burime.
