Nga Boldnews.al
Vlora është ngritur me tymin toksik të shpërndarë nga djegia e mbeturina në landfillin e vjetër përgjatë ditëve të fundit, një situatë e rrezikshme që po përsëritët vazhdimisht në qytetin bregdetar.
Ambjentalistët kanë ngritur shpesh alarmin për pasojat e ndotjes nga tymi toksik për jetën dhe shëndetin e banorëve.
Niveli i grimcave të rrezikshme në ajër për shkak të djegies së mbeturinave është në shifra shumë të larta.
Në foton dhe videon që shoqëron këtë artikull, dallohet qartë se niveli i grimcave të ndotura brenda në automjet, me xhama të mbyllura, shënon PM 2.5.
Ky indikator shoqërohet me shprehjen “several pulloted”, që do të thotë “ajër shumë i ndotur”.
Për ekspertët ndërkombëtarë, ndotja e grimcave nga grimcat e imëta (PM2.5) është një problem shumë i madh. Frymëmarrja në nivele jo të shëndetshme të PM2.5 mund të rrisë rrezikun e problemeve shëndetësore si sëmundjet e zemrës, astma e të tjerë.
Landfilli i vjetër i Vlorës prej kohësh është shndërruar në një bombë të rrezikshme ekologjike.
Punimet për landfillin e ri kanë nisur në vitin 2020, bazuar në një tender të dyshimtë me vlerë 10 milionë euro, të fituar nga kompania “ITS” e biznesmenit në kërkim, Klodian Zoto.
Landfilli duhet të përfundonte në vitin 2021, por kur ka kaluar çdo lloj afati, mbeturinat e Vlorës depozitohen në fushën e vjetër të plehrave.
