Kategoria Superiore do të rikthehet ditën e premte, ku janë programuar të zhvillohen dy duelet e para të vlefshme për javën e 10-të, e cila përkon dhe me nisjen e fazës së dytë.
Siparin do e ngrejë dueli mes Kukësit dhe Vllaznisë, i planifikuar të zhvillohet në orën 14:00 në “Kukës Arena”, ndërkohë po të premten në orën 17:00, Erzeni do të presë në “Arenën e Demave” Laçin.
Java e dhjetë do të mbyllet ditën e shtunë, ku do të zhvillohen 3 duele. Spikat derbi i kryeqyetit mes Tiranës dhe Dinamo Sitit që do të zhvillohet në orën 14:00, në “Selman Stërmasi”.
Ndërkohë në orën 17:00 janë planifikuar të zhvillohen dy përballje interesante. Në “Arenën e Demave”, Teuta e Edi Martinit do të presë Partizanin e Abilaliajt, ndërsa në po të njëjtin orar, Skënderbeu pret kryesuesit e Egnatias në qytetin e Korçës.
AXHENDA E JAVËS SË DHJETË:
E PREMTE:
Kukësi-Vllaznia ora 14:00 (“Kukës Arena”)
Erzeni-Laçi ora 17:00 (“Arena e Demave”)
E SHTUNË:
Tirana-Dinamo ora 14:00 (“Selman Stërmasi”)
Teuta-Partizani ora 17:00 (“Arena e Demave”)
Skënderbeu-Egnatia ora 17:00 (“Stadiumi Skënderbeu”)
