Ndërtuesi Fatmir Bektashi dhe Jamarbër Malltezi kanë mbërritur në ambientet e GJKKO.
Bektashi, i cili akuzohet për korrupsion dhe pastrim të veprës penale, për çështjen e privatizimit të ish-kompleksit Partizani, është shoqëruar nga dy policë, avokatja dhe një familjar i tij brenda ambienteve të gjykatës, ku do t’i komunikohet masa e sigurisë.
Në videon e mëposhtme shihet edhe momenti kur Jamarbër Malltezi ka mbërritur me furgon policie në GJKKO.
Malltezi, i cili akuzohet për korrupsion dhe pastrim të veprës penale, për çështjen e privatizimit të ish-kompleksit Partizani, do të njihet me masën e sigurisë dhe do të merret sot për herë të parë në pyetje nga prokurorët e SPAK.
