“Verilindorët” e Kukësit kanë arritur një fitore me shumë vlera, mesditën e kësaj të diele, teksa në “shtëpinë” e tyre, kanë mundur me rezultatin minimal, 1 me 0, skuadrën e Laçit, në përballjen e vlefshme për javën e 9-të të Kategorisë Superiore.
Goli i vetëm i sfidës erdhi në minutën e 64’-t të sfidës, ku pas një krosimi të bukur në zonë nga Salami, “shkatërruesi” i mesfushës, Abdou M’bark El Id godet fuqishëm topin me kokë, duke e çuar në rrjetën e portierit Dajsinani, për të fituar fillimisht avantazhin e më vonë 3 pikët.
Me këtë fitore Kukësi shkon në kuoten e 10 pikëve, duke u renditur kështu në vendin e 8 të renditjes, me 2 pikë më shumë se Teuta, ndërsa “bardhezinjtë” e Laçit mbesin në vendin e 3-të të renditjes me 13 pikë.
