Një aksident me vdekje është regjistruar mëngjesin e kësaj të shtune në aksin rrugor “Çermë-Lushnjë”, në fshatin Dushk.
Autoritetet policore bëjnë me dije se automjeti tip “Benz” që drejtohej nga shtetasi O. Gj., 30 vjeç, ka aksidentuar një këmbësore, e cila ka ndërruar jetë.
Bëhet fjalë për një grua të moshës rreth 60 vjeç, e cila ka qenë duke kaluar autostradën Rrogozhinë-Lushnje mbi trafikndarësen e betonit në momentin kur është përplasur nga furgoni. Viktima ende nuk është identifikuar, por dyshohet se ishte endacake.
Policia raporton se drejtuesi i automjetit është shoqëruar në Komisariatin e Policisë për veprime të mëtejshme. Grupi hetimor po punon për përcaktimin e shkakut të aksidentit dhe identifikimin e shtetases që ka ndërruar jetë.
