Një ngjarje e rëndë u regjistrua mëngjesin e djeshëm në aksin Peqin-Elbasan, në fshatin Papër, ku 57-vjeçarja nga Rrogozhina, Merushe Gjuzi, u hodh nga furgoni në lëvizje dhe gjeti vdekjen e menjëhershme.
Sipas dëshmive të pasagjerëve, ajo ishte ulur në vendin e parë të pasagjerit të furgonit dhe teksa të tjerët kanë qenë të pavëmendshëm, ka hapur derën dhe është hedhur. Të gjithë të pranishëmit në furgon kanë zbritur për t’i dhënë ndihmën e shpejtë, por përplasja ka qenë fatale.
Referuar dhe dëshmisë së dhënë nga shoqja e saj, Merushe Gjuzi ndërmori aktin ekstrem pas sherrit që kishte patur në mëngjes me bashkëshortin e saj, Mahmut Gjuzi, 68 vjeç, me të cilin kishte konflikte të herë pas hershme. Ky i fundit u arrestua sot nga Policia nën akuzat për veprat penale “Dhuna në familje” dhe “Shkaktimi i vetëvrasjes”.
Sipas autoriteteve policore, nëpërmjet dhunës psikologjike të ushtruar ndaj bashkëshortes së tij, 68-vjeçari dyshohet se ka ndikuar te gjendja e rënduar psikologjike të Merushe Gjuzit, e cila në këto kushte, është vetëhedhur nga furgoni. Viktima, njihej prej vitesh si shitëse ambulante e misrave të pjekur.
Por, dhuna nga bashkëshorti i saj, nuk ishte e keqja e vetme që ka përjetuar në jetën e saj Merushe Gjuzi.
Në maj të vitit 2013, Merushe Gjuzi humbi kontaktet me vajzën e saj, Eligerta Gjuzi, dhe prej vitesh e kërkonte këtë të fundit dhe në emisione televizive. Vajza e saj, Eligerta ishte vetëm 17 vjeçe kur u martua me Arbenin dhe në vitin 2012 mbetet shtatzënë dhe sjellin në jetë djalin e tyre të vetëm Orgiton.
Në maj të vitit 2013, Eligerta përballet me një problem shëndetësor në frymëmarrje të djalit dhe i duhej ta dërgonte drejt spitalit të Kavajës. Arbeni, bashkëshorti ndodhej në Burrel ndërsa Eligerta tek e ëma Merushja në Rrogozhinë. Të dyja nënë e bij nisen drejt spitalit me furgon nga Rrogozhina drejt Kavajës.
Ndërsa mbërrijnë dhe Eligerta qëndron për të paguar paratë e udhëtimit, nëna e saj Merushja me fëmijën në krah kalon rrugën. Kur bën një copë rrugë me mendimin se Eligerta ishte pas saj, kthen kokën dhe nuk e sheh më vajzën.
Dy orës pas ngjarjes, Merushe Gjuzi ka marrë një telefonatë nga vajza e saj dhe i ka dëgjuar vetëm fjalët “O ma më kanë rrëmbyer dy burra”. Rreth 6 vitesh nga zhdukja e Eligerta Gjuzit, një emision televiziv gjeti vendodhjen e saj, e cila dyshohej se ndodhej në Londër dhe publikoi disa foto të saj. Nuk dihet nëse ajo ishte rrëmbyer vërtet apo e kishte stisur ngjarjen, bashkë me telefonatët dy orë pas zhdukjes, për t’u larguar nga vendi.
Por, tragjedia nuk mbaron këtu!
Gjashtë muaj pas zhdukjes së Eligerta Gjuzit ndërron jetë dhe bashkëshorti i saj, Arbeni, duke e lënë djalin e tyre, Orgiton, nipin e Merushes jetim.
Historia me të bijën ishte dhe shkaku i nisjes së konfliktit brenda familjes mes Merushes dhe Mahmut Gjuzit. Dyshohet se ky i fundit e kishte dhunuar disa herë atë dhe pas gjithë këtij kalvari vuajtjesh të historisë me të bijën dhe dhunës nga bashkëshorti, Merushe Gjuzi ndërmori aktin ekstrem duke kryer vetëvrasje me hedhje nga furgoni në lëvizje.
Një ngjarje e rëndë u regjistrua mëngjesin e djeshëm në aksin Peqin-Elbasan, në fshatin Papër, ku 57-vjeçarja nga Rrogozhina, Merushe Gjuzi, u hodh nga furgoni në lëvizje dhe gjeti vdekjen e menjëhershme.
Sipas dëshmive të pasagjerëve, ajo ishte ulur në vendin e parë të pasagjerit të furgonit dhe teksa të tjerët kanë qenë të pavëmendshëm, ka hapur derën dhe është hedhur. Të gjithë të pranishëmit në furgon kanë zbritur për t’i dhënë ndihmën e shpejtë, por përplasja ka qenë fatale.
Referuar dhe dëshmisë së dhënë nga shoqja e saj, Merushe Gjuzi ndërmori aktin ekstrem pas sherrit që kishte patur në mëngjes me bashkëshortin e saj, Mahmut Gjuzi, 68 vjeç, me të cilin kishte konflikte të herë pas hershme. Ky i fundit u arrestua sot nga Policia nën akuzat për veprat penale “Dhuna në familje” dhe “Shkaktimi i vetëvrasjes”.
Sipas autoriteteve policore, nëpërmjet dhunës psikologjike të ushtruar ndaj bashkëshortes së tij, 68-vjeçari dyshohet se ka ndikuar te gjendja e rënduar psikologjike të Merushe Gjuzit, e cila në këto kushte, është vetëhedhur nga furgoni. Viktima, njihej prej vitesh si shitëse ambulante e misrave të pjekur.
Por, dhuna nga bashkëshorti i saj, nuk ishte e keqja e vetme që ka përjetuar në jetën e saj Merushe Gjuzi.
Në maj të vitit 2013, Merushe Gjuzi humbi kontaktet me vajzën e saj, Eligerta Gjuzi, dhe prej vitesh e kërkonte këtë të fundit dhe në emisione televizive. Vajza e saj, Eligerta ishte vetëm 17 vjeçe kur u martua me Arbenin dhe në vitin 2012 mbetet shtatzënë dhe sjellin në jetë djalin e tyre të vetëm Orgiton.
Në maj të vitit 2013, Eligerta përballet me një problem shëndetësor në frymëmarrje të djalit dhe i duhej ta dërgonte drejt spitalit të Kavajës. Arbeni, bashkëshorti ndodhej në Burrel ndërsa Eligerta tek e ëma Merushja në Rrogozhinë. Të dyja nënë e bij nisen drejt spitalit me furgon nga Rrogozhina drejt Kavajës.
Ndërsa mbërrijnë dhe Eligerta qëndron për të paguar paratë e udhëtimit, nëna e saj Merushja me fëmijën në krah kalon rrugën. Kur bën një copë rrugë me mendimin se Eligerta ishte pas saj, kthen kokën dhe nuk e sheh më vajzën.
Dy orës pas ngjarjes, Merushe Gjuzi ka marrë një telefonatë nga vajza e saj dhe i ka dëgjuar vetëm fjalët “O ma më kanë rrëmbyer dy burra”. Rreth 6 vitesh nga zhdukja e Eligerta Gjuzit, një emision televiziv gjeti vendodhjen e saj, e cila dyshohej se ndodhej në Londër dhe publikoi disa foto të saj. Nuk dihet nëse ajo ishte rrëmbyer vërtet apo e kishte stisur ngjarjen, bashkë me telefonatët dy orë pas zhdukjes, për t’u larguar nga vendi.
Por, tragjedia nuk mbaron këtu!
Gjashtë muaj pas zhdukjes së Eligerta Gjuzit ndërron jetë dhe bashkëshorti i saj, Arbeni, duke e lënë djalin e tyre, Orgiton, nipin e Merushes jetim.
Historia me të bijën ishte dhe shkaku i nisjes së konfliktit brenda familjes mes Merushes dhe Mahmut Gjuzit. Dyshohet se ky i fundit e kishte dhunuar disa herë atë dhe pas gjithë këtij kalvari vuajtjesh të historisë me të bijën dhe dhunës nga bashkëshorti, Merushe Gjuzi ndërmori aktin ekstrem duke kryer vetëvrasje me hedhje nga furgoni në lëvizje.
