Partizani arriti të fitonte 2-1 në derbi ndaj Tiranës, një sfidë që nuk luhet vetëm në fushë, por edhe në shkallët e stadiumit. Të dy tifozëritë dhuruan spektakël, megjithatë ata që dolën të lumtur ishin “Ultras Guerrils”.
Këta të fundit nuk ndalen teksa në kanalin zyrtar në facebook kanë “thumbuar” mbështetësit bardheblu. Ata kanë postuar një foto të tifozëve të kuq, ndërsa shkruajnë: “lala la la la kua kua kua kua”, refren ky i përdorur në derbi për të ironizuar fjalët pas humbjes të kundërshtarëve.
Kujtojmë që golat në derbi u shënuan nga Maguette dhe Mensah për Partizanin, ndërsa për Tiranën realizoi Florent Hasani.
