Borussia e Dortmundit merr fitoren e radhës në Bundesligë dhe ngjitet në krye të renditjes me 20 pikë, një më shumë se Leverkuseni. Verdhezinjtë mposhtën me rezultat minimal Werder Bremenin në “Signal Iduna Park”, ku golin e vetëm të sfidës e realizoi Brandt në minutën e 67-të, i shërbyer në mënyrë perfekte nga Emre Can.
Dortmundi dominoi në lojë dhe pati mundësi të tjera për të shënuar, por që nuk i shfrytëzoi, me sfidën që mbeti e hapur deri në fund.
Për Werder Bremenin ishte humbja e tretë radhazi, çka reflektohet me klasifikimin në pjesën e poshtme të tabelës me vetëm gjashtë pikë në tetë ndeshje.
