“Palestinezët janë në rrezik të madh të “spastrimit etnik masiv” nga Izraeli. Kështu deklaron raportuesja speciale e OKB-së për situatën e të drejtave të njeriut në Territorin Palestinez dhe i bëri thirrje komunitetit ndërkombëtar që të ndërmjetësojë urgjentisht për një armëpushim.
Në vazhdën e fushatës ushtarake të Izraelit në Gaza, Raportuesja Speciale e OKB-së Francesca Albanese tha se palestinezët nuk kanë vend të sigurt për të qenë në Gaza.
“Izraeli ka kryer tashmë spastrim etnik masiv të palestinezëve nën mjegullën e luftës. Përsëri, në emër të vetëmbrojtjes, Izraeli po kërkon të justifikojë atë që do të përbënte spastrim etnik. Situata në territorin e pushtuar palestinez dhe në Izrael ka arritur në ethe. Kombet e Bashkuara dhe Shtetet Anëtare të saj duhet të intensifikojnë përpjekjet për të ndërmjetësuar një armëpushim të menjëhershëm midis palëve, përpara se të arrijmë një pikë pa kthim.”, tha Francesca Albanese.
Ajo shtoi: “Komuniteti ndërkombëtar ka përgjegjësinë për të parandaluar dhe mbrojtur popullsinë nga krimet mizore. Përgjegjësia për krimet ndërkombëtare të kryera nga forcat pushtuese izraelite dhe Hamasi gjithashtu duhet të ndiqet menjëherë”.
Albanese theksoi: “Ekziston një rrezik i madh që ajo që ne po dëshmojmë mund të jetë një përsëritje e Nakba-s së vitit 1948 dhe Naksa e 1967-ës, por në një shkallë më të gjerë.”
“Çdo operacion i vazhdueshëm ushtarak nga Izraeli ka shkuar shumë përtej kufijve të ligjit ndërkombëtar. Komuniteti ndërkombëtar duhet të ndalojë këto shkelje skandaloze të së drejtës ndërkombëtare tani, përpara se historia tragjike të përsëritet”, tha eksperti i OKB-së.
Izraeli është zotuar të zhdukë Hamasin në shenjë hakmarrjeje për inkursionin e paprecedentë të grupit militant në qytetet izraelite të mbështetur me një breshëri raketash. Izraeli iu përgjigj sulmit të befasishëm me një rrethim total rreth Rripit të Gazës dhe bombardoi enklavën me një breshëri të pashembullt sulmesh ajrore.
Mijëra kanë vdekur dhe dhjetëra të tjerë janë plagosur mes palestinezëve dhe izraelitëve. Sipas të dhënave të OKB-së, që nga 7 tetori, 4200 njerëz u vranë, mbi një milion njerëz u zhvendosën dhe zona të mëdha në Rripin e Gazës u shndërruan në gërmadha.
