Për të gjithë ata që janë supersticiozë, barazimi është rezultat i palejuar në derbin e nesërm.
Tirana dhe Partizani kanë dominuar futbollin shqiptar në sezonet e fundit, pasi kanë arritur të fitojnë katër nga pesë titujt e fundit.
Në pesë derbet e para të pesë sezoneve të fundit ka ndodhur vetëm një herë që derbi të mbyllet në barazim.
Kjo ka ndodhur në sezonin 2020-2021, kur kampione dilte Teuta.
Në të katërta rastet e tjera, kur ka fituar një mes të dyjave, titulli ka mbetur në Tiranë, ku dy herë e kanë marrë bardheblutë dhe po aq herë të kuqtë.
Kështu, do të ishte mirë që kjo ndeshje të mos mbyllej në barazim, që titulli të qëndrojë në kryeqytet.
