Një sherr ka ndodhur mbrëmjen e kësaj të mërkure në Shkozë, Tiranë. Sipas policisë, një i ri është dhunuar me sende të forta nga persona ende të paidentifikuar.
“Rreth orës 21:30, në Shkozë, persona ende të paidentifikuar kanë goditur me sende të forta shtetasin H. Xh., 21 vjeç, dhe më pas janë larguar. Si pasojë 21-vjeçari është dëmtuar dhe ndodhet në spital, nën kujdesin e mjekëve”, thuhet në një njoftim të bluve.
Grupi hetimor po punon për sqarimin e rrethanave të ngjarjes, identifikimin dhe kapjen e autorëve të dyshuar, shtuan të njëjtat burime.
Dyshohet se i riu ishte duke lëvizur me automjet me të dashurën si pasagjere kur disa persona të maskuar e kanë ndaluar dhe e kanë dhunuar. Sipas disa raportimeve mediatike, ka pasur dhe të shtëna me armë zjarri gjatë konfliktit, megjithatë policia nuk i ka konfirmuar këto informacione.
