Kryeministri Edi rama ka mbledhur këtë të mërkurë në kryesinë e Kuvendit grupin parlamentar të Partisë Socialiste, kui u ka dhënë deputetëve “porositë” e tij për zhvillimet në parlament.
Gjatë mbledhjes, mësohet se Rama është ndalur tek bashkëpunimi mes grupit parlamentar dhe qeverisë për çështje me interes në mbledhje të komisioneve parlamentare dhe seancave plenare.
Burime bëjnë me dije se ai u ka kërkuar deputetëve dhe angazhim në Kuvend si dhe të jenë në kontakte me qytetarët në terren. Një tjetër tem diskutimi ka qenë dhe mbi prioritetet e projektbuxhetit për vitin e ardhshëm dhe kërkoi angazhim të deputetëve në diskutimin parlamentar të projektbuxhetit.
Grupi parlamentar i PS mësohet se ka diskutuar edhe mbi organizimin e Kongresit të jashtëzakonshëm të PS-së që pritet të mblidhet të fillim të nëntorit.
Lidhur me këtë mbledhje, ka bërë një reagim në rrjetet sociale dhe ministrja e Shtetit për Marrëdhënien me Parlamentin, Elisa Spiropali, e cila thotë se kanë vendosur prioritetet e grupit që lidhen me aktivitetin parlamentar, me adresimin e sfidave me natyrë politike, ekonomike, sociale.
Postimi i plotë:
Kuvend – Në mbledhjen e Grupit Parlamentar të Partisë Socialiste
Sot, me kryeministrin Edi Rama vendosëm prioritetet e grupimit tonë politik që lidhen me aktivitetin parlamentar, me adresimin e sfidave me natyrë politike, ekonomike, sociale, por jo vetëm, duke e ngritur punën e grupit në një tjetër nivel përmes një komunikimi të përbashkët, akoma edhe më intensiv në vazhdimësi.
Beteja jonë e vetme është me njerëzit, të cilët kërkojnë dhe meritojnë më shumë prej nesh, ndaj do të bëjmë maksimumin për të qëndruar në koherencë të plotë me çdo kërkesë që vjen prej tyre.
