Analisti Andi Bushati komentoi deklaratatat e kryeministrit Edi Rama në samitin e sotëm në Tiranë.
I ftuar në Çim Peka Live në SYRI TV, Bushati theksoi se Rama nuk pati guxim të përmendë sulmin terrorist që ndodhi në Banjskë.
Ai shtoi se në këtë samit u detyrua kancelari gjerman dhe merrte fjalën dhe të fliste për ngjarjet shqetësuese që ndodhen në veri të Kosovës.
Ka një javë kulmi i propagandës, se sa lartë është ngjitur Shqipëria që po mbledh gjithë krerët e globit.
“Sot kryeministri grek tha një gjë të tmerrshme për ne shqiptarët që sot po festojmë. Në dhjetor tha Greqia nëse Beleri nuk betohet vë veton për hapjen e kapitujve. Pra festa e madhe që ne bëjmë prej 10 vitesh që u hapën negociata, në dhejtor mund të mbyllet arkivoli prap. Në këtë gjendje jemi, kaq kemi arsye për festë. Flet kryeministri ynë në Samitin e Berlinit që trajton një çështje rajonale, flet për Ukrainën, flet për Izeaelin, i bie Hamasit, i bie Rusisë dhe nuk ka b*le të përmendi veriun e Kosovës dhe sulmin terrorist që ndodhi në Banjskë dhe e merr fjalën kancelari gjerman dhe flet për ngjarjet shqetësuese që ndodhen në veri të Kosovës. Ka më kuptim festa? Apo a ka më kuptim kjo? Me këto tregojmë jo që jemi një vend i vogël, por një vend me brek nëpërkëmbë”, tha ai.
