Aktorja amerikane Piper Laurie, e njohur më së shumti për rolet e saj të luajtura në filmat The Hustler dhe Carrie, ka vdekur në moshën 91-vjeçare. Lajmin e ka bërë me dije menaxheri i saj, Marion Rosenberg i cili tha për “Associated Press” se aktorja ndërroi jetë në shtëpinë e saj në Los Anxhelos.
Talentet e saj nuk ishin të kufizuara vetëm në aktrim, Laurie bëri një shkëputje 15-vjeçare nga aktrimi për të bërë fushatë për lëvizjen për të drejtat civile dhe Luftën e Vietnamit.
Gjatë asaj kohe ajo u martua edhe me kritikun e filmit Joe Morgenstern dhe pati një vajzë. Aktorja u nominua për një Oscar për filmin e parë në të cilin luajti pas rikthimit të saj, Carrie.
Laurie luajti gjithashtu në shfaqje të shumta televizive, duke përfshirë Matlock, Murder She Wrote, dhe luajti nënën e personazhit të George Clooney në ER.
