Eksperti i sigurisë, Ilir Kulla, i ftuar në “Zonë e Lirë”, foli fillimisht për konfliktin që ka nisur prej jave tanimë, Izrael – Hamas.
Ai tha se ky konflikt nuk na prek ne direkt, por indirekt po, pasi sipas tij do të ketë një rritje të çmimeve të lëndëve të para, si nafta, gazi apo drithërat. Sipas tij pas nisjes së këtij konflikti, askush do të flasë për Ukrainën, Azerbajxhanin dhe Kosovën.
“Drejtpërdrejt nuk prek, por indirekt na prek. Çmimet e lëndëve të para, si nafta dhe gazi, madje këtë herë më shumë se Ukraina.
Pas kësaj nuk flasim më njëri për Ukrainën, Azerbajxhanin dhe Kosovën. Do krijojë edhe një përçarje se kush ka të drejtë” tha Kulla.
