Kryetari i Listës Serbe, Goran Rakiç ka shprehur gatishmërinë për të mbajtur zgjedhjet në Veri të Kosovës. Në konferencën për media, Rakiç tha se topi tani është në fushën e Prishtinës.
Po ashtu, theksoi Rakiç, vendimet politike janë marrë gjithmonë në koordinim me Serbinë dhe se këtë herë do të marrin parasysh këshillën e dhënë më herët nga Presidenti Aleksandër Vuçiç.
“Prandaj këtë herë do ta dëgjojmë këshillën e presidentit Vuçiç dhe sot po dërgojmë mesazhin se jemi të gatshëm të marrim pjesë në zgjedhjet në veri të Kosovës, duke inkurajuar kështu një proces politik dhe dialog që do të çonte në përmbushjen të kushteve tona, të cilat i kemi theksuar disa herë deri më tani. Prandaj kërkojmë nga Prishtina që sa më parë të shpallen zgjedhje të jashtëzakonshme lokale për kryetarë dhe këshilltarë në të katër komunat në veri të Kosovës”, tha kryetari i Listës Serbe, Goran Raki
Kujtojmë se Lista Serbe më herët kishte refuzuar të marrë pjesë në zgjedhjet lokale në veri të Kosovës më 4 prill, me kushtin derisa të formohej Asociacioni i Komunave Serbe dhe të tërhiqej Policia e Kosovës dhe njësitë speciale.
