Prokuroria e Posaçme kundër Korrupsionit dhe Krimit të Organizuar njofton se ka përfunduar hetimet dhe ka kërkuar dërgimin për gjykim të procedimit penal në ngarkim të të pandehurve Kristo Çollaku dhe Gjergji Butka.
Çollaku akuzohet për kryerjen e veprës penale të “Korrupsioni aktiv në zgjedhje”, ndërsa Butka për “Korrupsion pasiv në zgjedhje”.
Ky procedim penal është regjistruar më datë 10.07.2023, pas shpalljes së moskompetencës lëndore dhe dërgimit të akteve nga ana e Prokurorisë së Shkallës së Parë të Juridiksionit të Përgjithshme, Elbasan.
Nga tërësia e veprimeve hetimore, sqaron SPAK, ka rezultuar e provuar që i pandehuri Kristo Çollaku, i ka ofruar të pandehurit Gjergji Butka një shumë monetare e cila është pranuar nga ky i fundit me qëllim për të votuar një kandidat për deputet në Qarkun e Korçës në zgjedhjet për Kuvendin e Shqipërisë të datës 25 Prill 2021.
