Tifozët kanë filluar të mbushin bulevardin që të çon në stadiumin “Air Albania”. Është momenti kur spektatorët do të hyjnë në stadium pasi të kontrollohen nga policia.
Ka shumë optimizëm rreth kësaj ndeshje me Çekinë dhe tifozët janë të bindur për fitoren. Një grup prej tyre kishin ardhur nga Londra.
Ata rrëfyen se kishin ardhur enkas për këtë ndeshje nga e cila presin vetëm fitore.
“Vijmë nga Londra, enkas për këtë lojë, urojmë fitoren Fitorja është e jona. Barazim kurrsesi, vetëm fitore. Na edhe ato dy lojë do ti fitojmë gjithsesi”, tha nje tifoz per mikrofonin e Fax News.
Kombëtarja jonë do të luajë në 20:45 ndaj Republikës Çeke sfidën e vlefshme për eleminatoret e Euro 2024.
Për këtë takim nuk do të jetë i pranishëm sulmuesi i Chelsea, Armando Broja. Gjithashtu do të mungojë dhe mbrojtësi Ardian Ismajli.
