Shqipëria, kryesuesja e Grupit E në kualifikueset e Euro 2024 pret në shtëpi Çekinë.
Në sfidën e “Air Albania” do jenë me shumë se 20 mijë tifozë, për të parë ndeshjen nga afër, ndërsa atmosfera nuk ka nevojë për koment.
Një rezultat pozitiv afron akoma më shumë skuadrën e Sylvinhos drejt objektivit, sakaq rezultat i pranueshëm ndaj një rivali të tillë është edhe barazimi.
Një humbje eventuale shtyn festën e shqiptarëve, me Bajramin me shokë që kanë më pas edhe 2 takime të tjera.
Teksa jemi më pak se 2 orë para ndeshjes, tifozët janë afruar shumë me “Air Albania”. Trafiku është mjaft i rënduar, teksa në rrugë kudo mund ët shikosh lojtarin e 12-të duke valëvitur flamurin kuqezi, duke kënduar apo kërcyer.
Tifozët shpresojnë që ndeshja e sotme të kthehet në festë, me futbollistët që premtojnë të bëjnë maksimumin sonte në mbrëmje.
