Jasir Asani, autori golit të parë në përballjen e sotme ndaj Çekisë, e ka cilësuar këtë takim si një finale, që u mbyll me sukses.
Ai ka vlerësuar tifozerinë në stadium, si mbështetja më e madhe e kuqezinjve në fushë.
“Tifozët kanë qenë mbështetja jonë që nga minuta parë, sonte ka qenë një finale tjetër, për fat treguam një rezultat shumë të mirë. Për golat, është merita e të gjithëve që krijojnë hapësira për mua”, tha Asani.
Asani nuk ka nguruar as të tregojë mirënjohjen për trajnerin që e ftoi në kombëtare.
“Kemi bërë një ndeshje shumë të mirë, pas golit arritëm të krijojmë dhe raste të tjera. Dua të falenderoj trajnerin sepse më kanë mbështetur që ditën e parë dhe jam mirënjohës për gjithë jetën”.
Fat te të 3 supergolat? Të shohim ç’do të thonë rradhën tjetër. Mendoj që ditën e parë që erdha këtu erdhëm për një qëlli,. Kemi një staf dhe një president që kanë bërë një punë të jashtëzkonshme. Luan apo nuk luan të gjithë kanë bërë maksimumin. Me këtë grup jo Çekia por të vijë kush të dojë. Skuadra në Europë për mua? Kush më do mua mor vlla (qesh). Po flasim me menaxherin por do të bëhet diçka e bukur. – përfundoi Asani.
