Një operacion anti-drogë është zhvilluar ditën e sotme në Vlorë, ku janë sekuestruar mijëra rrënjë kanabis.
Burimet mediatike bëjnë me dije se droga është zbuluar në një parcelë të mbjellë në mes të misrit në fshatin Bishan në Vlorë dhe dyshohet se janë gjetur rreth 4000 rrënjë kanabis.
Në pranga ka rënë autori i dyshuar i cili mund të ketë mbjellë lëndën narkotike S.LL. Po ashtu në polici është shoqëruar edhe pronari i tokës.
Ai ka thënë se tokën e kishte dhënë me qira. Aksioni u ndërmor nga policia e Vlorës dhe FNSH ndërsa droga u gjet në misër në proces tharjeje.
Sipas raportimeve mediatike bëhet me dije se janë gjetur dhe dy armë zjarri kallashnikov.
