Banorët e Bërxullës, kanë dalë sërish këtë të martë në protestë, për të kundërshtuar projektin Thumanë-Kashar.
Këtë herë, banorët kanë marrë në tubim edhe fëmijët e tyre, ndërkohë që këta të fundit kanë bojkotuar sot shkollën.
Fëmijët me pankarta në dorë me mbishkrime ‘Po na vrisni të ardhmen’, ‘Prona është pasuria jonë’, etj,. kanë bllokuar rrugën. Sakaq në vendngjarje ka prani të madhe të forcave policore, të cilët janë përplasur me banorët, dhe kanë shoqëruar dy prej tyre. Ndërkohë një tjetër banori raportohet se i ka rënë të fikët.
Situata paraqitet e tensionuar, banorët refuzojnë të lirojnë rrugën teksa dëgjohen thirrje “Shtet mashtrues”, “Duam zgjidhje”.
