Dy janë lojtarët që rrezikojnë sfidën me Egnatian. Ata janë Albi Doka dhe Erjon Hoxhallari. Të dy kanë nga tre kartonë të verdhë.
Nëse ndëshkohen me Partizanin edhe me një karton tjetër, atëherë ata shkojnë në numrin katër dhe nuk do të jenë me Egnatian.
Kujtojmë që derbi mes Partizanit dhe Tiranës luhet më 19 tetor, ndërsa tri ditë më pas luan Egnatia me bardheblutë.
Sa u përket dëmtimeve, situata te bardheblutë duket komode. Lojtarët e vetëm të dëmtuar janë Selmani dhe Patrik, të deklaruar tashmë.
Rikthimi i brazilianit mendohet të jetë në fillim të muajit të ardhshëm. Ai prej javësh po bën stërvitje i diferencuar. Ndërkohë, Selmani pritet të kthehet në muajin janar.