Një sipërfaqe e konsiderueshme toke e mbjellë me ullinj, në fshatin Grecalli është përfshirë nga flakët, pasditen e kësaj të diele, 9 tetor.
Mësohet se rreth orës 15:30 ka rënë zjarr në një arë me lëpusha misri të korrura.
Por flakët e favorizuara nga era kanë bërë që zjarri të dalë jashtë kontrollit duke kaluar në një parcelë me ullinj 25-vjeçar që ka qenë pranë hamullës së misrit. Sipas banorëve nga zjarri janë djegur 300 rrënjë ullinj.
Në vendngjarje mbërritën dy automjete zjarrfikës që po luftojnë të shuajnë flakët që ndihmohen nga era që po fryn në këto momente.
