Nëntë shtetas amerikanë kanë vdekur në konfliktin në Izrael, konformoi një zëdhënës i Këshillit të Sigurisë Kombëtare të SHBA-së, raporton CNN.
“Konfirmojmë vdekjen e nëntë shtetasve amerikanë. Ne shprehim ngushëllimet tona më të thella për viktimat dhe familjet e të gjithë të prekurve, ndërsa të lënduarve u urojmë shërim të shpejtë. Ne vazhdojmë të monitorojmë nga afër situatën dhe mbetemi në kontakt me partnerët tanë izraelitë, veçanërisht me autoritetet lokale”, tha zëdhënësi në një deklaratë.
Ndërkohë mbi 700 persona janë vrarë në Izrael dhe mbi 500 në Gaza, që kur grupi militant palestinez Hamas nisi sulme masive ndaj Izraelit më 7 tetor. Po ashtu, është raportuar se militantët e Hamasit kanë zënë dhjetëra pengje izraelite.
