Ish-presidenti hungarez dhe presidenti i parë i Gjykatës Kushtetuese të atij vendi, Laszlo Shojom, ka ndërruar jetë sot pas një sëmundje të gjatë.
Njoftimin e dha sekretariati i tij, presidentja hungareze Katalin Novak ka dërguar ngushëllime për vdekjen e Shojomit, i cili ishte president i Hungarisë nga viti 2005 deri në vitin 2010.
Ajo theksoi se Shojom (81) ishte një avokat i njohur ndërkombëtarisht, i cili, si kryetar i parë i Gjykatës Kushtetuese, kishte një “rol vendimtar në ndryshimin e regjimit, vendosjen e demokracisë dhe kuadrit kushtetues që përcakton jetën tonë”.
Flamuri hungarez u valëvit në gjysmështizë në Pallatin Presidencial Sándor në kujtim të Shojomit.
